و اخيرا حياكم الله بمطبخي اللي كله سوالف بسرعه بسرعه وسهالات



P!nk P!nk Cake


خلونا ندخل بالمقادير:




* بسكوت دايجستف Light
* كوكيز اي نوع تفضلون كيفكم انا استخدمت اللي بالصوره غني بالألياف و Organic
* لوحين كاكاو .. استخدمت Organic Milk Chocolate
* جلي توت
* فيلاديلفيا لايت العلبه اللي تيي 200 جرام
* علبه قشطة ..
* وضفت شي اسمه yogurt & Cream على ليمون .. بس مو حامض واجد حموضته حلوه .. هذا عاد ينباع بكارفور وداخله 4 علب صغار .. وفيه على نكهات بعد .. اهو اللي لونه اصفر بالصورهاستخدمت منه علبتين .. يغنيني عن استخدام الكريمه واجد اخف منها ..
* كاس ماء مغلي

الطريقه:

كيكتنا عباره عن طبقتين ..
طبقة البسكوت:

* أفتفت نوعين البسكوت ..
* واسيح الكاكاو بحمام مائي
* واخلطهم مع بعض



مثل مانتوا شايفين بالصوره البسكوت مومطحون ناعم
وهالشي يرجع لذوقكم .. انا احبه يكون نصه مفتفت ونصه مكسر
وانصحكم تلبسون (قفازات) .. لأنه جدااا وناسه ان تخلطون بايدكم

بعدين ..

* رصوها بصحن دائري بتاع التشيز كيك اللي ينفتح على جنب ..
خلو الطبقه سميكه نوعا ما .. لأن هالكيكه حلاتها طبقه الكاكاو بالبسكوت تكون واجد




^ وهذا الصحن مبين انه ينفتح من جنب ..


بعدين مارصيناها .. نروح للطبقه الثانيه

طبقه التوت:

* بالماء المغلي نذوب الجلي
* بالخلاط نخلط الجبن والقشطة والـyugurt & cream والجلي ..
* ونصبهم فوق طبقه البسكوت



بعدين تحطونها بالثلاجه .. وروحوا لهو نفسكم بأي شي ولا تفكرون فبها واجد انصحكم لعبو بلاي ستيشن احسن ..
يفضل اقل شي تخلونها 3 ساعات .. واذا مافيكم صبر .. ذوبوا الجلي بنص كاس ماء بدال كاس كامل راح تصك بسرعه
وبعد لا تطولون وانتوا حاطينها بالخلاط .. كل ما انخلط أكثر كل ما صار أصعب انها تصك ..



بعد ماخلصت قعدت ساعه احاول ازينها بفراوله فريش رايحه شاريه اللي بالسوبر ماركت كله ومقصصتهم ومكشختهم
بس عجزت والتزيين مو راضي يضبط .. وبالصاله اسمع ماااصااارت كيييكه
فقررت اني اقدمها مثل ما اهي بلا تزيين بلا بطييخ هههههههههه
كافي لونها الوردي اللي يعمي العين <<كذااااابة ..


وهاكم صوره لقطعه الكيكه اللي كلتها بالعافيه ..
والفراوله طبعا ما انقطت وكلناها وتوتوتة خلصت الحتوتة هههه





انشالله تذوقونها بالعافيه


yes خلصت