[poem=font="simplified Arabic,4,blue,bold,normal" Bkcolor="transparent" Bkimage="" Border="none,4,gray" Type=1 Line=0 Align=center Use=ex Num="0,black"]
الايا سديد الراي لاهنـت ويـش الـراي = ترا الفكر شتتنـي والاعصـاب منهـاره
على صاحب ٍ حُبـه سبـب علتـي ودواي =مضالي شهـر وانـا اتـردد علـى داره
انا لامتى في شارع الزيـن رايـح جـاي = تنقدت في نفسـي وشكـوا هـل الحـاره
احبـه ومـن حُبـه تبرعتلـه بعـضـاي = بقلبـي ومعلوقـه وابعقـلـي وبفـكـاره
وانا عارف ٍ في خافقـه ماحـد ٍ مسـواي = شعـورٍ تبادلنـاه 0والحُـب بـاسـراره
لكن الغضي حساس والحرص جاب اقصاي = وصار الخلاف 0وشوفة النفـس غـراره
ورماني بعد مازين ابليـس لـه مرمـاي = رماني رماية طُعـم فـي خيـط سنـاره
انا مطلبـي ان كـل ليلـه وهـو ويـاي =وهـو لولـوه مكنونـة ٍ وسـط محـاره
وكبرت معي واقفيت 0والشوق قص ارشاي =وهـو ياحسافـه نطّـح الغـاره الغـاره
انا دايم ٍ اخطي ويصبـر علـى عجفـاي = ويعتب على تاره 0ويرضى علـي تـاره
وذلحين مـدري ليـش ماهمتـه فرقـاي = عسـى ماتغيّـر نهـج حُبـه ومـقـداره
انا لو اشوفه بعتـرف لـه بكـل اخطـاي =علشـان يعذرنـي والاجــواد عــذاره
والا يابن عسكـر ياصديقـي ويامشكـاي = طريق الغرام اشـوف فـي جنتـه نـاره
تنشد وعطني العلم عـن غايتـي ومنـاي = ترا كنك جايـن بـه اذا جيـت بخبـاره