بسم الله الرحمن الرحيم تحية طيبة وبعد اليوم حبيت اقدم لكم شرح بطريقة حلوه وجميلة للي يبغى يحدث جواله في البيت اتبعوا الطريقة ولا تخافون وأي شيء يصير لجهازك انا المسؤول
نوكيا وما ادارك مانوكيا شركة فنلندية جوالاتها في كل مكان في العالم طرحوا قبل سنة من الان خدمة تحديث الجوالات عن طريق موقعهم عشان يفكون الناس من الزحمه عند الوكلاء وفي نفس الوقت تخلي فلوسك في جيبك مانت فاضي كل مرة تروح للوكيل عشان تحديث ... وفيه ناس عندهم خصوصيات بالجوال وبصراحه مايبغون اي احد يشوف ملفاتهم..
اذا اردت تحديث جوالك هناك بعض الخطوات اللي لازم تمشي عليها عشان تضمن شغلك ماشي 100% وهي
1- التحقق من وجود تحديث جديد لجوالك وذلك من خلال الذهاب إلى هذا الرابط واتباع التعليمات للـتأكد من وجود تحديث جديد لجهازك
http://mea.nokia.com/A4743132
الأن ذهبنا إلى الموقع وتأكدنا ان هناك في تحديث جديد للجهاز
وش نسوي الحين ؟؟
2- تحميل برنامج التحديث الخاص بجوالك من خلال هذا الرابط
http://mea.nokia.com/A4743131
بس كل اللي عليك انك تضغط على صورة جوالك وراح يبدا التحميل معاك على طول ... سوينا نفس الخطوات وحملنا البرنامج وثبتناه على الكمبيوتر وش نسوي بعدها ؟؟؟
3- بعد التثبيت شغلوا البرنامج عن طريق الايقونة الموجودة على سطح المكتب راح تطلع لك الصورة اللي تحت
4-اشبك جوالك في الكمبيوتر عن طريق وصلة USB اللي جات بالكرتون مع الجوال أو عن طريق البلوتوث ، انا افضل دائما استخدام وصلة الـ USB لأن نقل البيانات فيها راح يكون سريع ولاتنسى تكون البطارية مليانه على الاخير ، لكن احتياطا وللأمان خل جوالك مشبوك على الشاحن اثناء عملية التحديث ، هذا افضل شيء
5- حط جوالك على وضع عام أو general اللي جوالاتهم انجليزي
6- الأن كل شيء مضبوط ارجع لشاشة البرنامج واضغط على start تابع بالصور
في هذه الخطوة يقول لك لازم تكون شريحتك داخل الجوال ولازم يكون على وضع عام وايضا يجب ان تتاكد بأن جوالك مشحون على الاخر لكي لا تتم مقاطعة عملية التحديث
الخطوة التالية.............
انظر إلى الصورة تم اكتشاف تحديث جديد للجهاز ويقول لك قبل ان تعمل تحديث لهاتفك يجب عمل نسخة احتياطية لبياناتك حفاظا عليها من الضياع ويجب ان لاتفصل جوالك من الكمبيوتر عند عمل التحديث لان هذا ممكن يضر بجهازك ويدخلك في مشاكل ،، لذلك الحــــــــذر
الخطوة اللي بعدها................
قم بوضع علامة صح في المربع اللي فوق واضغط على update ولاتنسى يجب ان تكون البطارية ممتلئة ومشبوكه بالشاحن لضمان التحديث
الخطوة الاخيرة ....................
الان جوالك قاعد يحدث ،، لاحظوا حجم التحديث كبير يعني 113 ميجا بايت الصبر لابد من الصبر حتى تنتهي العملية في حالة مقاطعة التحديث لن يقوم التحديث بالاستكمال بل يجب ان تعيد التحديث من جديد .. لابد من الصبر .. بعد نهاية التحديث سوف تأتيك رسالة بأنه تم التحديث بنجاح بعدها افصل جوالك من وصلة الـ USB ومبروك عليك التحديث الجديد ..
قبل مانخـــــــتم الموضوع لحظه من فضلك هناك بعض اللي حدثوا جوالاتهم فقدوا اللغة العربية ليش انا فقدت اللغة العربية واخوي لم يفقدها ؟؟؟ السبب في ذلك لأن جوالك من الأصل كان موجه لدولة اخرى غير دولتك مثلا انا طلعت على ماليزيا ورحت شريت لي 20 جوال نوكيا n95 وجيت الرياض وركبت لها تعريب وبعتها ،، الزباين اللي اشتروا مني الجوالات راح تواجههم هذه المشكلة مشكلة فقدان اللغة لكن لو شريت جهازك من وكيل معروف في السعودية ماراح تواجه هذه المشكلة اطلاقا .. الحين كيف نحل مشكلة الاخوان اللي فقدوا اللغة وش الحل ؟؟؟؟؟؟؟؟؟؟؟؟ تابع معي ولا تروح بعيد الموضوع ابسط مما تتصور كل
اولا قم بتحميل برنامج nemesis service suite من هذا الرابط
http://www.b-phreaks.co.uk/files/NSS/NSS103814.zip
وش الفائدة من هذا البرنامج ؟؟؟
هذا البرنامج يقوم بتغيير كود جوال الدولة اللي كان موجه لها الجهاز مثلا الجهاز كان موجه لماليزيا ومعروف عن الجوالات الماليزيه مافيها لغة عربية عشان كذا اقوم اشيل الكود حق ماليزيا والصق مكانه كود جوال موجه للسعودية .. طيب من وين احصل على الكود ؟؟؟
الجواب بسيط اذا تعرف واحد اشترى جواله من اي وكيل هنا السعودية فقط قل له يعطيك رقم الكود حق جواله ،، على فكره رقم الكود مشترك في كل الجوالات وليس رقم خاص بجولك انت لاحد يجي يقولنا الكود حقي خاص ما اعطيه احد
خويي مايعرف يطلع رقم الكود يعني غشيم في هذه السوالف كيف يسوي بسيطة فك البطارية وناظر الملصق اللي على الجوال من ورى راح تلقى رقم يبدا بـ 05 هذا هو الكود شوف الصورة لجوال n95 8GB
الان وبعد ان خذت رقم الكود شغل برنامج نيمسيس وتابع بالصور
اخيرا بعد وضع كوداللغة العربية ،،، قم بالضغط على write وخلاص افصل جوالك من الـ usb وابدا عملية التحديث وستعود اللغة العربية إلى جهازك .... وبالتوفيق وأي سؤأل انا حاضر
« آخـــر الـــمـــشـــاركــــات »
الإهداءات
09-06-2008, 06:14 AM
العرض العادي
