سنكون مع موعد مع
الابداع

النقاء

الصفاء

سيكون صباحنا اليوم صباح الشعر
مع الشاعر مسفر الدوسري

أترككم مع الابداع

ولهتي لو شوي علي ؟!
إشتقتي لي؟!
قوليلي:
وشلون المسا ..من غيري
وشلون الصباح وشلون يمر ....يومك عليك
باهت,وبردان,وحزين؟!
ولا يمر من بعدي روعة وممتلي؟
حسبتي إن الفرقا مابيني وبينك ....للأبد
ولا ابتسمتي في سرك وقلتي هالزعل مهما يطول سحابة صيف
أكيد.. أكيد بتنجلي؟!
ولو تسمعين أغاني حنا نحبها ما يشاغلك قلبك يقوووول
عشاني اتصلي عليه
وحشني صوته
ضحكته
حتى جمر كلامه واحشني....وابيه
عشاني اتصلي عليه
عشاني أرجوك أسألي
حبــــيبتي
ما شاغلك قلبك علي؟!
بالله قوليلي الصحيح..اشتقتي لي؟!
أمانه ودي أسألك
طول الفراق......فكرتي في؟!
قعدتي مره بغرفتك ...تتمنظرين وكنتي بكامل زينتك
وقلتي لغنج أنوثتك
ودي يشوف تسريحتي نفسي يشم هذا العطر
ويقوللي رايه فالروج الجديد
واي الي أحلى ....هذا ولا روجي الأولي؟!
ودي يشاركني دلال أنوثتي
ويضمني
ويمسح على راسي بحنان
هو يدري ان لمسة يديه
فيها حياتي ومقتلي!!
حبيبتي فكرتي في
وانتي على تسريحتك
اشتقتي لي؟!
ما اكذب عليك أنا كثير إشتقتلك
عمري أحسه من غيرك خلي
لا ارضي ارض ولانجوم تزين الليل بسماي وتعتلي
ضايع وينقصني انتماء
لاني لأحد.....ولاني لي!
أنا كثير اشتقتلك
حبيبتي مااشتقتي لي؟!
تحياتي