حكواتي ..بنات 20 - منتديات بنات 20

There's Nothing · 08-31-2008, 09:10 AM

.."اللهم ازرعني في قلوب الناس كالشجرة الطيبة"...

...

اولا وقبل شي ياحلوين ..

~*¤ô§ô¤*~كل عام وانتو بالف خير يارب ...~*¤ô§ô¤*~

وانشاء الله مانفترق ونجتمع دايما على الخير ...

....

هنا ..ياشطورين ..
كل يوم بحكيلكم حكاية...من الف ليلة وليلة ...
بطريقتي الخاصة ...
الغياب ممنوع ...
وقبل الساعة 11 تجهزون ..

:152:

..
ملاحظة :..
ممنوع اصطحاب "الشيشة"..بالنسبة للشباب ..
والبنات ...حركات "القهوة والحلى"..خلوها بعد..القصة ..

...

ولما اخلص من الحكاية تصفقوا لي..

There's Nothing · 09-01-2008, 09:20 PM

مساكم خير ياحلوين..
ها كيف كان صيام اول يوم .؟!1

:152:

يلا نبدأ..

:rayg:<<بس أنا ...هه

كان يامكان في قديم الزمان وسالف العصر والاوان ..

كان فيه ملك عادل اسمه "شهريار". ..يحبه كل شعب مملكته ..وعنده أخ .اصغر منه اسمه "شاه الزمان"..مثله شاطر وعادل في مملكته ..
وبيوم من الايام الحلوة اشتاق شهريار لاخوه الصغير ..فارسله وزيره يطلبه انه يجيه وسافر له ولما وصل الوزير لمملكه شاه الزمان قاله ان الملك يطلبك تجيه .لانه مشتاق لك كثيير ..فعينشاه الزمان وزيره بداله وجهز اغراضه للسفر ..وامر جنده وحاشيته .انهم يتجهزون ...
وسافر... وهو في الطريق وقت الفجر اتذكر انه نسى هدية اخوه ..فرجع ولما وصل لقصره لقى حرمته تخونه مع عبد أسود ..تضايق كثير ..وقتلهم هم الاثنين ..واخذ الهدية ورجع كمل طريقه ...
ووصل لعند اخوه بالسلامة ...وحضنه بقووة علشان هو مشتااق له ..."فيلم هندي بس قديم ".."هه"..
وبعد ما ارتاحوا واكلوا حس شهريار ان اخوه متضايق اكله قليل ولونه اصفر ..حاول فيه ..ليش ياخوك ..مضايقك شي ..وشاه الزمان مو راضي يقول لاخوه ..فاقترح شهريار يروحون لرحلة صيد ....بس شاه الزمان ما .يحب الصيد ..فظل قاعد بالقصر وراح اخوه مع حاشيته وجنده ..
وهو قاعد بصالة كبيرة تطل على بستاان رووعة ..انتبه على شي غريب ..
لقى حرمة اخوه مع عبد اسود. و..معاها عشرة عبيد وعشرة جواري ..مشوا سوى لين ماوصلت الملكة لمكان كذا له سقف من النباتات الحلوة ..فجلست ونادت عبد اسود .. وخانت زوجها معاه ... وكل عبد اخذ جاريه ..
كل هذا يصير قدام اخو الملك ...الملك الصغير شاه الزمان ..
من كثر ماهو مصدووم..هانت عليه مصيبته ...وقال حالي احسن من حال اخوي ..
ورجعت حالته اوك..صار ياكل كويس ولونه تحول احمر ..
وهذا الشي انتبه له شهريار من اول دقيقة رجع فيها للقصر ...فسأل اخوه ..وحلفه يقوله اللي فيه ..فرد شاه الزمان لما طلبتني اجيك ..جهزت نفسي ..وسافرت وانا في الطريق تذكرت الخرزة اللي اشتريتها علشان اهديك اياها ولما رجعت لقيت زوجتي مع عبد اسود فقتلتهم وجيتك.. ومن كذا لقيتني متضايق ولوني اصفر ..
قال شهريار طيب وليه الحين رجعت اوك وصار لونك احمر ..قال ما راح اجاوب بخليك تشوف بعينك..
سال ..شهريار ..:كيف؟
قاله شاه نفذ اللي بقولك عليه وانت تشوف اعلن عن رحلة صيد ثانية وانا بقعد هنا ..
وبعدين تتخفى وتجي تشوف بعينك ..واتفقوا على كذا وكل واحد منهم نفذ الخطة ..وصل الملك شهريار لمكان الصيد الخاص فيه وطلب من الجند يبنوله خيمته وما احد يدخل عليه ابدا ..
واتخفى بملابس غريبة ورجع للقصر ..وكان شاه الزمان بانتظاره ..وخلاه يشوف كل شي بعينه...
انصدم شهريار ..واستغرب من كل اللي صار واللي كان يصير ..

فاتفق هو واخوه يتخفون بملابس غريبة ويطلعون برى القصر .ويدورن في هالدنيا على شي اغرب من قصتهم ..اذا لقوا شي اغرب رجعوا لمملكتهم ..وحياتهم العادية ..واذا مالقوا بيظلوا متخفين للابد .لانهم مايستحقون هالملك...
..

....
حلو ...
بنكمل بكرة ياشطار

There's Nothing · 09-02-2008, 11:17 PM

..
يلاا نكمل ..
جاهزين ...اسفة على التأخير ..

بعد ما ترك الملكين القصر...مشوا ليالي وأيام لين ماوصلوا لشاطئ البحر واستقروا جنب نبع موية وشجرة كبيرة ...
وبعد شوي لاحظوا ان البحر صارت أمواجه كبيرة ..وقوية ..وطلع منه عمود اسود واتجاهه لهم ...
فخافوا كثير ومن خوفهم..طلعوا فوق الشجرة واتخبوا فيها ..
..شافوا جني طويل ..صدره عريض .وعلى رأسه في صندوق ..جا وجلس تحت الشجرة اللي هم منخشين فيها .. وفتح الصندوق ..وطلع منه علبه ..ولما فتح العلبة طلعت بنت حلووة كثيير ..فقال الجني ...
ياسيدة الحرائر ..يامن سرقتك ليلة عرسك أريد أن أنام...فجلست البنت ونام الجني على ركبتها ..
طبعا كل هذا والملكين يراقبون ..ومفجوعين ..
البنت الحلوة كانت تشوف المكان .. ورفعت رأسها ..وشافت الملكين....
..ومشت لين وصلت تحت الشجرة ...وأمرتهم بعيونها ينزلون تحت...ولما ما رضوا قالتلهم الشريرة لو مانزلتوا بصحي الجني ..
الملكين ...نزلوا بسرعة ...مو خايفين بس يسمعون كلام الحلوين ."هه"..
لما قربوا منها قالتلهم ..ابغاكم تتزوجوني .. طبعا ماراح أقولكم عن صدمتهم...
سكتوا ...وهي عصبت ...وقالت لو ماتزوجتوني الحين ...بصحي هالجني ..وأخليه ينتقم منكم شر انتقام...
شاه الزمان الصغيرون قال يا اخوي سوي اللي تبغاه ..
وبعد ماتزوجوها الاثنين ..طلعت من جيبها كيس ..وفتحته ..وطلعت منه سلسال طويل فيه سبعمية وخمسين خاتم...وسألتهم ياشطار تعرفون شو هذا قالولها ..:لا ...
قالت ..هذي خواتم ..لكل من تزوجني وهالعفريت غافل عني ونايم.. وابغاكم الحين تعطوني خاتمينكم ...
بدون نقاش اعطاها كل واحد منهم خاتمه ..
البنت كملت ..وقالت الجني هذا خطفني ليلة عرسي ..وحبسني في علبة ..وحط العلبة في صندوق ..
وقفل الصندوق بسبعة أقفال ..ورمى الصندوق في قاع البحر ..
وهو مو عارف أن الحرمة لابغت شي جابته مايقدر عليها شي ...
هاا شباب كيف معنوياتكم ...؟!!
احنا شطورين هذول حريم اول شريرات ... :)
اللي صار بعد كل هذا يا حبايبي أن الملكين قالوا لبعضهم ..دام هذا جني ..وماقدر عليها ..فكيف حنا ..وقرروا يرجعون للقصر ..
وأول ماوصل شهريار لهناك..
أمر بقطع رأس حرمته .والعبد الأسود ..وكل الجواري والعبيد اللي كانو معاها ..
وتحول شهريار من ملك طيب لملك شرير ..
كل ليلة يتزوج بنت بكر ..ويقتلها ثاني يوم الصباح ...
كل يوم على هالحال لين ..ما قل عدد النساء ببلدته ..وهرب الباقي القليل مع أهلهم لأبعد مكان يقدرون يوصلوله ..
وبيوم من الأيام ...اللي لونهم اسود ..على كحلي ..
شو صار .؟!!
أمر الملك شهريار وزيره يجيب له بنت بكر ..الوزير يسمع الكلام راح وصار يدور يدور..ومالقى أي بنت ...
فرجع لبيته ..زلعاان ومتضايق ...وخايف من الملك ..
بنات الوزير هذا كثير. حلوين كثير. ...أحلى من البنت قبل شوي ..
ياشباب لاتناظرون ..عيب ..
الاولى اسمها . "شهرزاد" ووحده اسمها"دنيازاد"..الأولى قرأت كل كتب التاريخ وسير الملوك..والقدماء ..يعني ماشاء الله عليها مكتبة ...
شافت أبوها راجع من عند الملك وهو مهموم ومتضايق..فسألته عن سبب ضيقته ..وهو ما صدق حكالها عن كل اللي صار..
فكرت شهرزاد ..وردت على أبوها ...يايبا ..(إيه هي قالت كذا يا يبا...ههههه) زوجني هذا الملك...
يا أما يقتلني يا أما أشوف حل لبنات الناس..
قالها لاتخاطري بنفسك....قالتله هي ...مافي غير كذا ..
رد عليها الأب ..أنا خايف يصير فيك مثل ماصار مع الحمار والثور وصاحب المزرعة ..
فكرت البنت وقالتله ليش شو صاار ..؟؟

...

تتوقعوا شو صار معاهم.؟!!
لما نننام ونصحى ويجي القمر ومعاه الليل اكمل ..

:)

There's Nothing · 09-03-2008, 09:23 PM

..جا الليل ...
ومعاه القمر الحلو ...

...
وتناهيد الجروح بتكمل القصة ...

كان فيه تاجرساكن بالريف و عنده اموال كثييير ومواشي ... ... والله عطاه نعمه كبييره وحلوه ... انو هو يقدر يسمع الحيوانات شو قاعده تقول .....
كان الحمار دايما مرتاح وماعليه شغل كثير ماكل وشارب بدون لاشغل ولا مشغله ... ... مو مثل الثور المسكين منكرف اربع وعشرين ساعه ..

مره من المرات رجع الثور منهلك ... وتعباااان شاف الحمار قاعد ومستريح وعنده اكل ومويه ...
قاله ياحظك انت مرتاح ومستانس وانا تعبان وحالتي حاله ... كان التاجر قاعد يسمعهم ...

قام الحمار قال للثور ..

بكره لما ياخذوك علشان يحرثوا عليك ... سوي نفسك مو قادر تتحرك ... ولما يقدمولك الاكل كل شوي وبطل ...
الثور عجبته الفكره .. وفرح كثييير ...

قال للحمار طيب ...
جا التاجر ثاني يوم علشان يطلع الثور ... قام الثور سوا مثل ماقاله الحمار ..

وفعلا جاب نتيجه ...

... ظل الثور قاعد مسوي نفسه مريض ...والتاجر اخذ الحمار علشان يحرث عليه لين مايطيب الثور ...>>> طبعا التاجر عارف اللي صار بينهم امس ..
.. المهم ياطويلين العمر ...
راح الحمار والثور ظل مستريح وياكل نقطه ويقعد بعدين يرجع ياكل شوي ... ويرجع يقعد وكذااا لين ماجا الحمار ...

الحمار كان تعبااااااان وطايح بطنه من كثر مو مهلوك...
قام الثور شكر الحمار على اللي سواه ... وانه ضحى بنفسه علشان يرتاح هو ..

وثاني يوم صار نفس الشي ... وكذاا لين رابع يوووم ..

وهو الثور مسوي نفسه تعباان والحمار ماكلها على راسه ومو عارف ايش يسوي مع هالورطه ...
... رابع يوم وبعد مارجع الحمار ولحم رقبته منسلخ والدم واصل .. لركبته ...

... قاله الثور شكرا لك والله مو عارف كيف اشكرك .. على اللي قاعد تسويه لي ...

... قام الحمار قاله ... ماسويت الا الواجب يالثور ... بس انا لازم اقولك هالكلمتين اللي عندي ...
علشاانك ماتتحسر ... قاله قول ..

قال الحمار اني انا سمعت التاجر قاعد يقول للغلام اللي عنده ..

بكره اذا قام الثور خلوه يشتغل واذا ماقام ... خذوه وودوه على المسلخ ...>>>>طبعا الحمار نصاااب وماعنده سالفه ...
والتاجر عارف وسامع كل الكلام اللي يدور بينهم ...

دب الرعب في قلب الثور وكان شوي وبيموت من الخوف ..
قال الثور للحمار بكره بسوي نفسي ... اني قوي واني خفيت ولله الحمد .. علشان مايذبحني التاجر ...

.. وفعلا ثاني يوم جا التاجر ولقى الثور صاحي من بدري ومجهز نفسه .. ولابس بدلت الشغل ...

.... ومستعد عالأخر ...وماكل كل الاكل اللي عنده ...
وداه يحرث ورجع وهو ميت من الضحك .. على اللي صار ..

وهو قاعد يضحك ومو قادر يتكلم ... جت زوجته عنده .. وقالتله .. ايش اللي قاعد يضحكك قالها ما اقدر اقولك ..

قالتله الا بتقولي قالها لا مااقدر اقولك لاني لو قلتلك سبب ضحكي بموت بعد ما اقولك ... قالتله مدام كذاا اجل انت قاعد تضحك علي ... وقعدت تزن عليه وتزن عليه لين ماعذبته>>>> تعرفون الحريم عاد ...
قالها طيب ... وراح جمع كل اهله واهلها وجيرانهم ... وحكالهم السالفه وانه لو حكى سبب ضحكه بيموت ...

قامو الجالسين كلهم قعدو يقنعوا حرمته انو تبطل عنه وماتخليه يحكي علشلن مايموت ...

بس هي راسها والف سيف ... كلمتها مااتنزل للأرض ولا تنعاد مرتين حتى لو مات ...

الحرمه مستغنيه عن رجلها ... هههههههه

... قام الرجال "التاجر" وراح وتوضأ علشان يقولهم السر ويموت ...

وهو راجع مر من عند الحظيره سمع الكلب والديك يتكلمون ... قرب عندهم...

سمع الكلب يقول للديك ... انت ماتستحي على وجهك صاحبنا بيموت وانت قاعد تضحك .

الديك استغرب وقاله عسى ماشر ورا صاحبنا بيموت ..

الكلب ماقصر حكاله كل السالفه ؟...

قام الديك وقال انو صاحبنا هذا ماعنده ماعند جدتي ... انا عندي خمسين دجاجه ارضي هاذي وازعل .. ذيك ..
وهو عنده حرمه وحده مو قادر عليها ...
لو انا مكانه كان جبت عيدان التوت وضربتها لين تطيح عند رجولي وتبوس التوبه ...

... التاجر عجبه الكلام ... وفكر انه ينفذ فكرة الديك العبقرية ...

... وفعلا جمع عيدان التوت ... ودخلها عالغرفه وراح عند زوجته ونادها وقلها يلا نروح الغرفه علشاان اقولك .. واموت بعدها ..

ودخلها الغرفه وسكر الباب بالمفتاح .. وقعد يضربها ويضربها لين ماتأدبت وتابت ... وقعدت تبوس يده ورجوله ...

... وبعدين طلعوا عند الناس وفرحوا كثيييير ان الحرمة ماعاد تبغى تعرف السبب .. وظلو مع بعض عايشين بسبات ونبات "على قولة المصريين" لين ماماتو ...

سمعت شهرزاد القصه .. وزادت اصرار على انها تروح عند الملك ...
والوزير ماقدر يغير شي جهز بنته واخذها عند الملك ...
وطبعا هي كانت موصيه اختها قبل ماتروح .. ومعلمتها بالخطه اللذييييذه ...
والخطه هي ... ان شهرزاد بتقعد تصيح عند الملك ولما يسألها ليه قاعده تصيحين بتقوله اني انا عندي اخت اصغر مني ... وبخاطري اودعها ... ولما تجي عندها ... تقولها ... يا أختي الشاطرة احكيلنا قصه من قصصك الحلوه ... وانا بقول القصه اللي فيها خلاصي ....

.... وفعلا ظبطت الخطه .. وسمح الملك لشهرزاد انها تقول لاختها والملك القصه الأولى ...

....

...

There's Nothing · 09-04-2008, 09:55 PM

هذي هي الليلة الاولى ..
شهرزاد صارت زوجة للملك ...
وقبل لايصير الفجر ..يذبحها .مثل ماكان يسوي مع كل البنات قبلها ...

بس شهرزاد ببالها في فكرة ..
واختها دنيازاد بتساعدها ...
لما خلص الملك ...بدت تبكي شهرزاد ...فاستغرب الملك ..
وسألها عن سبب صياحها ...
فقالت له ..عندي اخت اصغر مني وانا احبها كثير وبخاطري قبل لا اموت اشوفها ..اذا سمحت لي ..ياملكنا القوي...

وافق الملك ..ونادى الجند وجابوا اختها ..
ولما دخلت دنيازاد على اختها شهرزاد ...
سلمت عليها وقالتلها عندي امنية صغنونة ..وبخاطري تلبيها لي ..
ابغاك تحكين لي حكاية من حكوايك الحلوة والممتعة ..
شهرزاد وافقت بعد ما استأذنت من شهريار ورضي شهريار انها تحكيها ...

...
وقالت ..
.كان يامكان في قديم الزمان ..
وسالف العصر والاوان ...رجل صياد ...كبير بالسن وفقير...عنده زوجة وثلاث اولاد ...
كان عنده عادة مميزة انه يرمي الشبكة بالبحر اربع مرات ...
واللي يصطاده فيهم يرضى فيه وياخذه لعياله ...

..
مرة من المرات ...رمى الشبكة بوقت الظهر ...ولما اتاكد انها استقرت بالبحر انتظر شوي...وبعدين سحبها ..
وهو يسحبها حس انها ثقيلة زيادة عن العادة ...
فاستغرب ...
حاول يسحبها للشاطئ بس ما قدر ...

الصياد ماكذب خبر ..ربط الشبكة من ناحية الشاطئ بشجرة ...ونزل للبحر ...يبي يحاول يطلع الشبكة ..
وبعد ما انهد حيله ..طلع وطلع الشبكة ..ولقى اللي فيها ..(حمار ميت)...
مسكين جاله احباط ...وتضايق ..
وقال ان هذا رزق غريب ...
وانشد بيتين هالشعر

يا خائضا في ظام الليل والهلكة ................أقصر عليك فليس الرزق بالحركة ...
وجهز شبكته مرة ثانية بعد ماشال الحمار ...ورماها بالبحر ..وكله امل يكون الصيد الثاني افضل ..

وبعد ما استقرت شبكته بالبحر .وانتظر عليها فترة ...حاول يسحبها ..ولقاها ثقيلة اكثر من الاول ...
واتوقع يكون فيها سمك ..كثيير ..
وما قدر يسحبها ...فربطها بالشجرة ونزل للبحر علشان يرفع الشبكة والرزق اللي فيها ...
ووصلت الشبكة للشاطئ..
بس اللي لقاه فيها مو سمك....!!

المسكين لقى فيها ..زير كبير مليان طين ..وحصى من البحر ..
فقال لاحول ولاقوة الا بالله ...
وانشد هالشعر ..

ياحرقة الدهر كفى ....ان لم تكفي فعفى
فلا بحظي اعطي...ولايصنعه كفي ..
خرجت اطلب رزقي....وجدت رزقي توفي ..
كم جاهل في ظهور ....وعالم متخفي ...

وبعدين رمى الشبكة وقعد يستغفر ربه ...
وصار معاه نفس اللي صار قبل ..
ولما رفعها لقى فيها ..قوارير ..

لاتلخبطوا بالعد ...هذي المرة الثالثة ...
ومثل العادة ...شال اللي بالشبكة ..ونظفها ...وبعدين قال هالبيت ..

هو الرزق لاحل لديك ولا ربط ....ولاقلم يجدي عليك ولاخط

اللي سواه الحين ..انه رفع راسه للسما ..ودعى ربه ..وقال ياربي انا كل مرة ارمي شبكتي اربع مرات ..
وهذي الاخيرة ...يارب انك تساعدني ...

رمى الصياد العجوز شبكته بالبحر بعد ما سمى باسم الله ...
وانتظر ...
ولما حس انها ثقيلة ...حاول يرفعها ..وما قدر ..عليها ..فنزل للبحر وفك الشبكة من تحت ..وطلعها ...
ولما فتحها لقى فيها ابريق من نحاس ...مسكر بالحديد ..وعليه ختم سيدنا سليمان عليه السلام ...

الصياد مازعل هالمرة بالعكس فرح كثير ..
تعرفوا ليه .؟؟
لان النحاس عندهم كان غااالي كثيير ..فقال ابيع هالابريق بعشرة دنانير ...وارتااح ..

الشي اللي لفت انتباه الصياد ان الابريق ثقييل ...فقال افتحه وآخذ اللي فيه بعدين ابيعه ..
والمكسب يصير الضعف ...
حاول بالحديد الين مافتحه ..
وهز الابريق بيده وهو قالبه علشان اللي جواه يطلع ...
وفجأة...طلع دخااان كثييير ...لونه اسود ...غطى الارض كلها ..ووصل للسما لفوق ..وفي لحظات اجتمع كله ..واتحول لمارد كبييييير ..
الصياد ماراح اقولكم شو اللي صار فيه ...
المارد تكلم وقال ...لا اله الا الله سليمان نبي الله ..

وكمل ..يانبي الله ..لاتقتلني ..فلم اعد اخالف لك امرا ..ولا اعصي لك ..طلبا ..

ملاحظة:المارد كان في زمن النبي سليمان ...الحين مانقول غير لا اله الا الله ..محمد رسول الله
الصياد ..كملت معاه ...وصار لونه بنفسجي ...
من خرعته ..قال للمارد ..وش تقول انت ...
سليمان نبي الله ..ميت من الف وثمانمية سنة ..
واحنا باخر الزمان ...

وش قصتك..ومين دخلك..بهذا الابريق ..؟!!!

..

القصة لها تكملة ..
الحين جانا النوم...

نكمل بكرة ياحبايبي ...

There's Nothing · 09-05-2008, 09:15 PM

انا تناهيد الجروح ..
بكملكم القصة ...

هدوووء...

بعد ماسمع المارد كلام الصياد ...

قال لا اله الا الله أبشر ياصياد ..

فقاله الصياد وبإيش تبشرني ...

قاله ..." بقتلك الحين اشر القتلات ...

قام الصيااد استغرب ... وقاله ... هذا جزائي لأني خلصتك من الابريق .. وطلعتك منه ... ونجيتك من البحر ووصلت للبر ...

قاله المارد " .. انا بقتلك وانت عليك تختار كيف بتكون موتك ... على كيفك ...

فقاله الصياد وايش ذنبي انا .... علشاان راح تسوي فيني كذااااا ...

قال العفريت إسمع حكايتي ياصيااد ...

قاله الصيااد إحكيها وأسرع بالكلام علشااان قلبي صار بين رجووولي وبطني طااايح ....

قال المارد ... انت عارف ياصيااد اني انا من الجن المارقين"يعني المشاغبين واللي يعذبوا الناس"

وأنا كنت ..أعصي نبي الله سليمان بن داود

يوم من الايام .. ارسل لي نبي الله سليمان وزيره ..واخذني لعند سيدنا سليمان ... وانا ماكان ودي اروح ...

غصب عني يعني ..

فلما شافني نبي الله ... إستعاذ مني ... وعرض علي الإيمان بالله ...وإني أطيعه وما أشاغب ..

لكن انا رفضت ..

فطلب هذا الإبري ..وحبسني فيه وختم عليه بالرصاااص ...

ونادا الجن وأمرهم انهم يرموني عالبحر ...

فجلست بهذا الإبريق اول مئة سنه .. قلت اللي بطلعني من هنا ..."أغنيته إلى الأبد "

ومرت مئة سنه وماحد طلعني من الابريق ..

قمت قلت ... اللي بطلعني من الابريق المئة سنه الجايين ..فتحت له كنووز الارض ..

وبرضوووا .. ماحد طلعني ... ولاخلصني من هالابريق ..

بعدين مرت مئة عام ومئة عام ...لين ماصرت جاس بالابريق اربعمائة عام ...

قلت اللي بخلصني الحين .. بنفذ له ثلاث حاجات .. اللي يبغاااه

وبرضواا ماخلصني أحد ...

قمت زعلت وغضبت غضب شدييد ..

وقلت اللي بيخلصني بعد كذااا ... من هالإبريق ... بقتله .. ولكن بالطريقه اللي تعجبه ..

والحين ياصيااد ياشاطر انت خلصتني من هالابريق وانا لازم اقتلك ..
فختاار الموته اللي تعجبك والحين ...

قام الصيااد تحسر على عمره وقال .. أنا ماعرفت اخلصك الا الحين كان خلصتك من اووول وجاني منك شي لذييييذ وخير ....

...بعدين قال الصياد للعفريت ...

سامحني وعفوا عني ... لاني انا اللي خلصتك من السجن اللي كنت فيه ...

ولاتهلكني فيسلط الله عليك من يهلكك ...

فقاله الجني والله انا اسف بس ما اقدر اتراجع عن قراري ..

ولازم انفذ اللي قلته والحين ..

قعد يفكر الصيااد المسكين ويفكر ويفكر بحل ... ويقنع المارد بانه مايقتله بس المارد مصمم ...

بعدين حت باله فكره .. قال الحين انا انساان وعندي عقل وهو جني مو شااطر وماعنده سالفه ...

قال الصياد للمارد ..

خلاص قررت وماراح تتراجع ابدااا ..؟
قاله المارد ... ايه ...

قاله الصيااد طيب انا استحلفك بالله ... بسبسالك هالسؤال وانك تجاوبني عليه بصراحه

قاله طيب بس بسرررعه ...

قال الصياد باله عليك الحين انت كنت بهذا الابريق ..

كيف وهو مايوسع حتى يدك ...؟ولاحتى رجل من رجولك ..

فكيف كنت انت كااااامل فيه ..

قال المارد يعني انت مو مصدق اني كنت موجود داخل الابريق ..

قال الصيااد لا وماراح .. أصدق الا لما اشوووفك بعيني ...

قاله المارد طيب ..

وفجأه صار المارد دخااان اسووود ... ودخل جوا الابريق علشاان يخلي الصيااد يتأكد ..

وماوصل المارد جوا الابريق الا جاب الصيااد غطى الابريق وحبس المارد مره ثااانيه

وقفل عليه وقاله تمن علي بأي طريقه رااح امووت
..
والله لاسكر عليك وارميك عالبحر واسوي لي بيت هنا وما اخلي احد يصطادك

طبعا المارد جاه يطلع مره ثاانيه ماقدر وعرف ان الصيااد ضحك عليه وحبسه ... وختم عليه بالرصااص .

فقعد يستلطفه ويترجااه انه يطلعه وانه رااح يسويله خيير ...

والصيااد مو راااضي ...

لانه كان قاعد يترجاااه قبل شووي والمارد مارضي ...

.... ...راح الصياد لعند البحر علشاان يرمي الابريق ..

قام المارد قاله ارجووك لاترميني بالبحر ولاتسوي فيني كذاا ..

قاله لا برميك علشاانك انت قعدت عالبحر الف وثمنمية عام ..

... وانا بخليك تقعد عليه لين يوم القيامه ..

لاني انا قلتلك ابقيني يبقيك الله ...

فقال له الصيااد اخرجني اُحسن اليك ...

فقاله الصياد كذبت ياملعون ..

فقد حصل معي مثل ماحصل مع وزير الملك يونان والحكيم رويان

فقاله العفريت وايش قصة وزير الملك يونان .. والحكيم روياان ...

... وبكره راح احكيلكم قصة الوزير والملك والحكيم ...

اليوم تعبنا ...

... انشاء الله تكونوا مستمتعين واذا عندكم اي ملاحظاات ارسلوها لنا ...
وحنا حاضرين ...

... تصبحون على خير .. ...

... .. ...

There's Nothing · 09-06-2008, 09:27 PM

...

كيفكم ياحلوين .؟
وحشتوني...

نكمل ...

..كان في بلد من البلدان ..ملك..غني كثيير .

عنده مرض البرص ..وكان يصرف كل امواله على الحكماء اللي يجون له من كل مكان علشان يعالجونه ..وياخذون ..فلووس ..وجوااهر ..كثييرة ..

...الملك من كثر ماحاول ...تعب..واستسلم للمرض ..وعجز كل الاطباء اللي جوله ..انهم يعالجوه ..

في نفس الوقت ..
اشتهر حكيم ..شااطر ...قرأ كتب قدييمة كثيير ..وتعلم ..من الحكماء..العجايز ...اللي كانوا قبل ...

ودرس في كل البلاد...

وسمع عن مرض الملك..وعجز كل حكماء هالوقت انهم يعالجونه...

فحب يشوفه ...ويشوف علاج لمرضه...
وبالمرة يستفيد..

الحكيم..ما كذب خبر ...جمع كل اغراضه ..واعشابه ..وسافر لبلد..اللي فيها المللك..ولما وصل ..جهز نفسه..واتكشخ...وراح للملك على طول ..وقاله ..ياملكنا

انا انشاء الله اقدر اعالجك ..بدون ما اعذبك..والا اخسرك ..

بس بشرط تسوي كل اللي اقولك عليه ..

الملك بخاطره يشفى من هالمرض ..فوافق على طول

واعطى الحكيم...مبلغ كبير ..يدعمه ..فيه ...
...

الحكيم طلع من القصر ..واشترى له بيت .؟..وبدأ بصنع دوى الملك...

الدوى كان غريب ..لا دهان..ولا شرب ..كان عبارة عن اعشاب ..مخلوطة مع بعض..ومسويها على شكل ..مضرب . تنس..ومعلق فيها كورة ...بخيط...

..ولما صار الصباح وطلعت الشمس...لبس الحكيم..افضل ملابسه ..
وراح عند الملك..

وطلب منه انه يطلع برحلة اليوم..وانه يلعب بهذا التنس ...الين ماتعرق يده وجسمه كثير ..

..بعدين يرجع للبيت على طول ..ويتروش ...وبعدين ينام...

وكذا انشاء الله بيشفى من مرضه ...

الملك..على طول امر حاشيته وجنده..وتجهزوا وخرجوا بالرحلة ..

الملك..سوى كل اللي قاله عليه الحكيم..

ولما عرقت يده وجسمه رجع للقصر ..واتروش ونام...

الحكيم..ثاني يوم الصباح ..قبل لاتطلع الشمس..

لبس ملابسه..وركض بسررعة لعند الملك..يبغى يتطمن عليه ..

ولما وصل للقصر ..

استقبله الملك..بنفسه ..واكرمه كثيير ..وطلب له ..الفين دينار ..غير الهدايا الثمينة ..

طبعا الملك..صار قووي ..وحلوو ...وجسمه ماعاد فيه شي ...

كله بفضل الله..ثم ددوى الحكيم

...
طبعا الملك..كل يوم صار يطلب الحكيم..ويقربه منه..ويعطيه هدااايا كثيييرة ..وفلوس...

وهذا الشي خلى كل الوزراء والمقربين من الملك..يلاحظوا هالمحبة ...

واكثرهم قهر ..وزير الملك...

كان انسان حقودي...وبشع كثيير ..وشريير..ومو عاجبه اي شي من اللي قاعد يصير ...

.. فقرر انه يخرب على الحكيم...

...وبدأ الوزير بتنفيذ خطته..الجهنمية ...

...

اللي بنعرفها بكرة اذا الله ابقانا ياحلوين ..

تناهيد الجروح · 09-07-2008, 08:51 PM

هذا حنا جينااا ....

خطط الوزير ...خطه مو لذيييييييذه مثله هو لانه شريير ومو شاااطر ...

وقال لازم انفذ سريييييع قبل ... مايتعلق الملك .. بالحكيم رويان زيااده ...

... وفعلا ثاني يوم الصبااح .. جا الوزير عند الملك ...

وقاله ...والله ياملك ... اني عندي لك نصيحه ..

اذا ماقلتلك وش هي ... اكون نذل واذا اذنت لي بقولها ...

اتضايق الملك على طول من كلام الوزير ..

وقاله .. قول نصيحتك ..

قال الوزير ... انا يا ملكي ضايقني كثييير اني اشووووفك ... تكرم عدوووك تحسن اليه ...

استغرب الملك ... وقاله انا احسن لعدوي ..... مين هو ...

قاله الوزير هو الحكيم رويااان ..

لما سمع الملك كلام الوزير .. استغرب اكثر ..

وقاله هذا الحكيم هو الي عالجني ... وعطاني دوى لا بمشاارق الارض ولابمغاربها موجود

ولا حكيم من حكمااء العالم قدر يعالجني الا هوو ... ....

... واني والله لو اعطيه واقاسمه مالي ماوفيته حقه ...

.... وانك انت ياوزير ماتقول هذا الكلاام الا حسد ... للحكيم ...

وانك تبغاني اقتله واندم مثل ماصاار لما ندم السندباد على قتل البازي ...

فقاله الوزيير وشو صار معاهم ...

.. قاله الملك اسمع ...

انه كان في ملك من ملوك الفرس ... يحب التنزه والصيد .. ..

وكان عنده بازي مربيه من يوم كان صغيير ومتعلق فيه كثييير كثييير ...

وطول اليوم هو بيده ..ومايفارقه لا ليل ولانهار ..

واذا جا الليل ونام يظل حامله على ايده .. ومسويله طاسه من ذهب ومعلقها على صدره علشاان يشربه فيها ...

وكان دايم ياخذه معاه عالصييد ...

وكان الملك هذا يوم من الايام جالس .... جاه عنده المسؤول عن الصيد وقاله انه ان وقت الصيد ..

جهز الملك نفسه علشاان يروووح ...

واخذ معاه البازي ... ومشوواااا لين ماوصلوا عند وادي وحطو شبكتهم ... وفجأه الا طاح بالشبكه غزاله ..

فقال الملك ... اللي بتهرب الغزاله من جهته.. بقتله ...

ضيقوا الدائره .. علشاان ماتهرب من عند واحد فيهم ويقتله الملك ...

بعدين جت الغزاله من عند الملك .. وقفت على رجولها وحطت يدها على صدرها كانه تحييه ..

فانحنى الملك لها ..

... قامت هربت من عنده ..

المهم كلهم صاروا يتغامزووا ..

فسال الملك رئيسهم ايش فيهم ...

قال انت قلت اللي بتهرب من جهته يقتل ..

فقالهم ..

والله لالحق هاذي الغزاله لين ما اجيبها واجي ...

وفعلا ظل يلحقها ويلحقهاا والبازي يخمش عيونها لين ماطاحت عالارض ...

ومسكها الملك وسلخها وعلقها ....

وكان الوقت وقت ظهر ..

وعطش الملك عطش كثييييييييييييييير

فالتفت وراااه لقى شجره كبيييييييره .. وقاعد ينقط منها موييييه ....

... فجاب الطاسه حقت البازي علشاان يعبي له فيها ..

عباله وحطها قداااام البازي ... قام البازي رفسها برجوله وطيحها ..

قام رجع وعباله فيها ....وحطها قداااامه ورجع البازي ورماااها

قام عصب الملك

ومسك السيف وقطع جوانح البازي حقه

..
>>>> ياحراااااااااااااااام مسكييين

قام عبى الطاسه بالمويه ووداها للحصان علشان يشرب ....

... قام الحصااان طيحها ..

وقعد الحصان ينااظر فوق الشجره ..

قام طالع الملك مكاان مايطالع حصاانه ..

لقى حيه ... والمويه اللي قاعده تنزل هو سمها ..

تحسف على البازي حقه اللي قطع جوانحه

وان البازي شاااطر وخايف على صااااحبه ... ..

واخذ الغزاله وركب الحصااان ... واخذ البازي على يده وراح

هو رايح ماااات البازي على كتف الملك ..

وقعد يبكي عليه كثييييييييييييير وتحسف .... على اللي سووواه ...

بعد ماسمع الوزير كلام الملك ...

قاله ...ان اللي سواااه الحكيم شفقة عليك مو اكثر

واذ قبلت كلامي هذاا بتنجوا واذا ماقبلته هلكت مثل ماهلك ...وزير احتاال على ابن ملك من الملووك ...

"وبكره راااح نحكيلكم قصة الوزير اللي مات علشاان احتال على ابن ملك من الملووك ..."

لاتتأخروا بتواجدكم ...

.... وتصبحون على الف خير يارب ... ...

There's Nothing · 09-08-2008, 10:02 PM

...مسائكم جوري...

متابعين معاكم..قصتنا ...

الوزير للحين يناقش الملك..وبخاطره يتخلص من الحكيم باي شكل ...

لما انتهى الملك من قصته ...قاله الوزير ..بنصحك للمرة الاخيرة ...

اذا رديت علي ..وسمعت نصيحتي...حلوو...واذا لاا ..فانا ابري ذمتي منك...
الوزير قال للملك بقولك هالقصة وانت احكم...

وافق الملك..وبدأ الوزير الخبيث بسرد حكايته ...

قال ياملكنا ..كان بالزمن القديم...ملك يحب ابنه كثييير كثيير ...ويخاف عليه ...فألزم..وزيره ...
يطلع معاه كل مرة للصيد ويرافقه وين ماراح ...

ابن الملك يحب الصيد والقنص...والوزير مضطر يلحقه ..وين ماراح...

..
وكعادة ابن الملك طلع للصيد ..ومعاه الوزير...وهم في البر ..شافوا وحش..يعني حيوان مفترس ...
الوزير وده يفتك من ابن الملك...فقاله اتحداك...تمسك هذا الوحش وتقتله ..

ابن الملك...دقت فيه الحمية ولحق الوحش....
الين ماصار بعيد عن كل اللي معاه من الحاشية والوزير ...

وضيع ابن الملك الوحش وهو يلحقه ...
دور هنا وهناك...مالقاه..

>>شوفوه لايكون تحت سريركم..."ههه"..

وهو يدور على الوحش لقى باخر طريقه جارية حلووة كثيير ...قاعدة تصيح ..
قرب منها ابن الملك وسألها ...مين انت؟

الجارية الحلوة ردت عليه وقالتله انا بنت ملك من ملوك الهند...كنت نايمة على حصاني....واخذني النوم وطحت من عليه ...

وانا الحين لحالي ..
ابن الملك..رجال قوي ..زعل عليها كثير ...
وحملها على ظهره ومشى فيها لين لقى قرية ...
تكلمت الجارية وقالت ...لو سمحت ممكن تنزلني..هنا ...ودي اقضي حاجة لي...
ابن الملك نزلها وقعد ينتظرها ...
ولما تأخرت وعوقت لحقها ...وشااااف اللي خلاااه يمووت من الخوف ...
لقى الجارية تحولت لغولة ...(يعني وحش شرير ياكل الانسان)...ا
وكانت تكلم عيالها وتقول لهم...جايبتلكم اليوم..ولد سميين ..ودسم.....
وهم ميتين جوع يقولونلها اركضي جيبيه بنموت من الجوع ...

ابن الملك رجع لمكانه بسررعة ..وهو خاايف كثيير ..
لحقته الغولة ...وقالتله شو فيك ليش انت خايف وترجف ...
قالها عندي عدو وانا خايف منه..قالتله غريبة مو انت تقول انك ابن الملك...رد ايه ..فقالتله اعطي عدوك شي من المال وهو يسكت عنك...

هو من اللي شافه ..رد عليها بس عدو مايبغى مالي ..يبغى رووحي...
ومايرضى غير فيها ...
وانا مظلوم...

الغولة ..قالتله ان كنت مظلوم....فاستعن بالله ...ان يكفيك شره ...وشر جميع ماتخافه ...

ابن الملك..من خوفه ...
رفع راسه للسما ..ودعاا..(يامن يجيب المضطر اذا دعاه ويكشف السوء...انصرني على عدوي واصرفه عني..انك على ماتشاء قدير ...)..أ

الغولة لما سمعت كلامه رااحت وتركته ..
ورجع ابن الملك سليم لابوه ..وخبره عن وزيره اللي مو شاطر ...
....
وهذي ياملكنا قصة ابن الملك مع الوزير ..
وانت اذا مانتبهت واخذت بالك...بتموووت مووتة سيئة ...
والحكيم مثل ماشافاك ..بشي تمسكه ..بيقتلك بشي تشمه او تلمسه ...

وهنا تمكن الوزير من عقل الملك...
وقاله بطلب الحكيم الحين ..
وشو برايك اسوي فيه ...
الوزير ...طلب من الملك..انه يقطع راس الحكيم...ويرتاح منه ..

وارسل الملك للحكيم يناديه ...
الحكيم يعرف قيمته عند الملك...وجاا له مبسووط...

تتوقعوا شو بيصير ..
بيموت الحكيم...
والا بتنقذه حكمته ..

:)

تناهيد الجروح · 09-09-2008, 09:06 PM

نادى الملك للحكيم روياان .

والحكيم مثل ناقلنا جااي سريييع وهو فرحاااان ..

... لما وصل الحكيم عند الملك...

ساله الملك .. تعرف ليه ناديتك ..

قاله الحكيم لا والله مايعلم الغيب الا الله ...

قال انا ناديتك علشا اقتلك ...

استغرب الحكيم واتفاجئ من كلام الملك ...

قال الحكيم طيب انا بايش اذنبت ياملكي علشاان تعاقبني هالعقااب
...
قاله الملك ...ااني سمعت انك جاسوس

وانك جيت علشان تقتلني واني بقتلك الحين قبل ماتقتلني انت ...
فقال الحكيم للملك ..

أبقني يبقيك الله ...ولاتقتلني فيقتلك الله ...

فنادى الحكيم للسياف وقله ...
اقطع رقبته وريحنا من هذا الغداار ...

...قعد الحكيم يترجى الملك ...

بس الملك مافي منه فااايده ...

قال الملك ..

اني لازم اقتلك وارتاح منك لانك عالجتني بشي مسكته بيدي ... وتقدر تموتني بشي امسكه بعد...

فلما عرف الحكيم انه مقتول لامحاله ... قعد يبكيييييي ويتحسر على المعروف اللي سواااه بنااس مايستاهلوووه ...

اوقرر انه يطلب طلب اخييير من الملك ....
...
قاله مادااام انت ناوي تقتلني ... بس عطيني مهله

اروح عند اهلي اتطمن عليهم واوصيهم واوزع كتبي والادويه اللي عندي ....

وفي كتااب خااص بهديه لك ياملكي ...

قاله الملك وايش في هذا الكتااب ...
قاله ان هذا الكتاب فيه اسرار كثيييييره ..
اقل سر فيه ... ان لو قطعت راسي وفتحت ثلاث صفحات من هذا الكتتاااااب وقرات ثلاث اسطر من الصفحه اللي على يدك اليساار ....

يتكلم رااسي ويجااوب على اي سؤاال تسأله ...

تعجب الملك من هذا الكتااب وافق على طلب الحكيم بشرط انه حراس من عند الملك يرووووح معاه

راح الحكيم مع الحراااس ... وسلم على اهله وسوى اشغااله ورجع مع الحراااس للملك ....

طبعا اجتمع كل اللي بالقصر

بانتظار ذبح الحكيم..

وصل الحكيم..... وطلب طبق فيه مويه...

وكتب على اطرافه كلاام ...

وعطى الملك الكتااب ... وقاله ماتفتح الكتااب الا بعد ماتقطع راااسي وتحطه في هالطبق علشاان يوقف الدم بسرررعه ...

الملك من لقافته وغبائه فتح الكتااب ولما جا يفتح الصفحه الاولى لقاها ملصقه مع الثانيه فبلل اصبعه بريقه وفتح الصفحه وكذااا لين وصل للثالثه

ولقى مافيه شي ..

وسأل الحكيم قاله اني وصلتت للصفحه الثالثه ومالقيت شي ...

قاله قلب لين توصل للسادسه

كمل الملك ...

ووصلل للصفحه السادسه ...

بس لما وصل للصفحه السادسه ياترى شو صار فيه وايش طلعله بالكتااااااب .....

موعدنا بكره ..."لاتتأخروا .."
.. ...

التميز خلال 24 ساعة
العضو المميز	الموضوع المميز	المشرف المميز	المشرفة المميزه
الــســاهــر	في هآلزمن صآر آلوفآ بآلنآس مبدأ .. [ منعدم] " تصميمي " بقلم : ashlee22	الآزوري	نسيت أنساك